'Reminder'

(an advance post of my farewell message to my beloved Shangmates)

Dear all:

Alam ko hindi naman ako required na gumawa nito, pero pagbigyan niyo na ko. 

First, hindi ito Memo, walang tardiness na nakalagay dito, o kaya ay Interoffice Correspondence ng mga new hires. Wala ding announcement ng Summer Outing o reminder kung kelan isusubmit yung mga DTR. Sulat lang ito ng pasasalamat kasi nakilala ko kayo.

Salamat dahil marami din akong natutunan mula sa inyo. Nakakilala ako ng iba't ibang klase ng tao; may mga taong makakasundo mo, may mga hindi, may mga strict, may mga masusungit (pero sa una lang naman), may mga mababait at tunay na mabuti, at syempre yung mga makukulit, etc etc. Pero sa lahat ng nabanggit, napansin kong totoo pala na kapag pinakisamahan mo ng mabuti ang isang tao, sino at ano pa man siya, ay magiging mabuti rin ito sayo. Natuto akong ngumiti sa gitna ng problema at (shempre) stress, pati na ang magseryoso sa mga bagay na kailangan seryosohin. Ay! at higit sa lahat natutunan kong pilit na harapin ang mga problema (ahem challenges pala) kahit pa minsan ay nanginginig na ang tuhod ko - pati na ang maging responsable sa mga ito. 

Maraming salamat din sa mga taong lagi ko (at akong) inaasar at naaasar kayo ang nagbigay ng saya sa buhay ko dito. Sa mga taong tinuring akong kaibigan, sa mga taong umintindi sa akin, sa mga taong nagpatibay ng loob ko, sa mga taong nakausap ko ng seryoso tungkol sa life. In short, sa presence and friendship shempre.

"Sa work hindi pwedeng hindi mo gawin yung mga bagay na ayaw mong gawin" Kasi naka package deal na yan sa work na naka.assign sayo (tama? TAMA!). Parang sa love lang yan ehh... you accept the person whatever his/her flaws are. Naks. O sige hanggang dito nalang ang dramang ito.

Salamat ng marami, alam kong mamimiss ko kayo :)

Sincerely,

Jamie Anne Marie C. Vinuya

(+63) 9172451758

"When thought is closed in caves, then love will show its roots in deepest hell."

Wala namang matino.

(Huling hirit isang oras matapos ang Mayo)

Bigla akong natawa habang binabasa ko ang mga txt messages na nakastore sa cellphone ko at napailing. 

"Bakit ganun, hindi naman kami nagkikita pero masaya parin ako." Sabi ko kay Pia. 

"Edi okay yun, healthy kaya yun, yung may longing" Sabi niya.

"Oh?" Sabay tawa ko, bigla kong naalala yung kwento sakin nung taxi driver noong isang araw:

Dahil malapit na akong ma-late sa trabaho minabuti ko nang pumara ng taxi para naman mapabilis kahit kaunti yung biyahe ko papunta ng MRT station. Ayoko sanang sumakay sa lumang taxi pero no choice, nagmamadali na ako at isang lumang taxi lang ang dumaan sa harapan ko na walang pasahero. 

Sabay ng pagpasok ko ng taxi ang tanong na, "Kuya, may sukli sa 100?"

"Naku wala, magpapalit nalang tayo sa daan"

"Ok."

Malipas ang ilang minuto sabi ni Kuya sakin, "Alam mo broken hearted ako"

"Bakit naman po?" Tanong ko.

"Kasi pakiramdam ko ayaw na sakin nung nililigawan ko"

"Ahh... pano ninyo naman nasabi yan? Matagal na ba?"

"Lahat naman ng luho niya binibigay ko, pang gimik niya, shopping, o pag wala siyang load isang txt lang, magpapasa na agad ako, 100, 300... tapos rereplyan ako ng mga 5 beses hindi na magpaparamdam ulit... yung pag may kailangan lang siya kaya niya ko tinitxt o tinatawagan... Hindi naman siya ganyan dati..."

"Bakit hindi ninyo itigil kung ganun yung nanyayari? Baka naman ayaw nga sa inyo?"

"Mahal ko ehh."

"Kahit ganun? Kawawa ka kaya."

"Alam mo wala namang matino pagdating sa pagmamahal... Kapag matino ka, o kaya 'ok lang sayo' kung maghiwalay kayo, kahit na mag-away kayo ayos lang... hindi yun pagmamahal, 'fling' lang yun. Kasi kung gusto mo talaga yung tao kahit na labag sayo, may mga bagay na gagawin at gagawin mo talaga para sa kanya"

"Ohhh... Kung sa bagay... siguro nga" Napangiti ako at tumingin sa may bintana.

:)