Control No. jcv-12-001
Namimiss ko yung mga panahon na ang ginagawa ko lang sa internet ay magbasa ng fanfiction at buksan yung multiply para magsulat ng mga blog o kaya ay makipag chat sa YM. Ngayon, sa tuwing magbubukas ako web browser, unang bubuksan ko ay facebook na kung saan makakakita ka ng sandamakmak na mga chismis... hindi ko itatangging may mga panahong nahuhumaling din ako sa pag 'explore' ng facebook pages, kahit na alam ko sa sarili kong isa itong malaking aksaya sa aking gintong oras.
Namimiss ko lang yung mga panahon na malaya mong maipapahayag ang iyong mga saloobin ng hindi masyadong lantad sa publiko (yung tipong kahit hindi mo na kailangang galawin yung settings).
Namimiss ko din yung feeling na sa tuwing magbubukas ako ng multiply ay malayang dumadaloy ang aking mga saloobin at 'reflections' sa pamamagitan ng mga naisusulat na salita...
No comments:
Post a Comment